"Bisch irgend wenn au mol nid uf Facebook?" Öhm… Neeei! Ah doch, wenn i blogge tue… So muessi mini "Friends" nüm mit mine alltägliche Klynigkeite belästige und ka frei druff los schribe, -dodrfür het me jo e Blog, wie mir Wikipedia hilfriich glernt het… Öbs öber interessiert, mir egal… Muess es jo nid läse. Woby mr wieder bi de Facebook-Friend wäre, wo kürzlich vo "stolze" 700 uf neu 333 gschrumpft sind… Und sälbst die sind schön in verschiedeni Gruppe ufteilt, vo Friends über VIP, über VVIP bis zu de VVVIP… Oh ja! VVV… Zuegriff und Sicht uf alles, mini Mädels… Keini schnüffelnde künftige, oder aktuelle Arbeitgäber, oder "Gott, hesch die wieder gseh, die Suffe jo au jedes Wucheend"-Mensche, wo unsere überuss lustige, asträngende und usschweifende Lifestyle kritisch hinterfroge… Mir so jo au nüm die jüngste, wies so heisst… Woby "F" (machs mol dr Anonymität z lieb wie s Girly vo "Gossip Girl") festgstellt het, dass 30gi s neue 20gi isch und mi somit wieder minderjährig gmacht het,- Thanks for that Sweety!!
Blogge isch jo eifach als i dänkt ha… I like!! :-)
Keine Kommentare:
Kommentar veröffentlichen